عضو شوید
عضویت سریع
آمار
وب سایت:
آمار مطالب
آمار بازدید
مئديا و يايينلارين چوخو، گونده فورصت آختاريرديلار عؤقده‌لري‌ني بوشالتسينلار. ايلك گونلرده تيراختورون داياغي اولان ميليونلار يانداشيندان خبرسيز ايديلر. البته هردن ايسه خبرلر ايچين‌ده مقطعي حالت‌ده آزربايجانليلار سئون يازيلار دا چاپ اولونوردو. اؤرنك (مثال) ايچين 88جي ايلين ياييندا بير گؤن گؤردوم "خبر ورزشي" بئله بير بالاجا تيتر وورموشدو: "تراختور بابت هر نمنه‌دن تشكر"!
نئچه ايل بوندان اؤنجه بير گونده‌ليگين ياراداتديغي اولايلاردان سونرا، بير سايي دئييرديلر بو گوندهليكده ايشله‌يه‌نلرين چوخو تورك‌‌ديللي‌ديرلر و بو گونده‌ليگين باغلانماسي نئچه يوز توركو ايش‌دن ساليب! دوزدور توركلرين آناديلي‌ني مسخره ائدن بير گوندهليكده چؤرك چيخارتماق، باشي آشاغيليق گتيرمكدن سونرا باشقا بير سونوجو يوخو‌دور؛ آنجاق منيم بو سؤزلري يازماقدان باشقا بير منظوروم واردير. ايسته‌ييرم دئيه‌م كي ايرانين باشقا ايش يئرلري كيمي، مئديا و يايين دونياسيندا دا توركلرين "آپاريجي‌ليق" و دئمك "سخت افزاري" رول و نقشه صاحيب اولماقلاري‌ني دانماق اولماز. آدامي راحاتسيز و اينجيدن تكجه بودور كي گوج و چاليشماق توركلردن اولان يئرده، نه‌يه بو درگيلر و يايينلاردا، بير سؤزجوك(كلمه) آناديل‌ده تاپماق اولمايير؟ بونا گؤره بهانه چوخ گتيرمك اولار. لاپ اؤنمليسي ده توركلرين اؤز ديللرينه ساوادسيزليغي، و باشقا طرفدن دئييليردي آزربايجان قونوسوندا اولمايان سؤزلرين توركجه يازيلماغينا بير نه‌دن يوخدور! بئله بهانه‌لري اونوتمايين؛ آشاغيدا گئنه ده اونلارا اشاره اولاجاق.
بير ايلدن چوخدور تيراختور هاي‌كوي ايله ايرانين فوتبال و ايدمانين آلت-اوست ائتمك ايله، باشقا كولتورل-توپلومسال(فرهنگي اجتماعي) ساحه‌لره ده ائتكي گؤسترير. تيراختور داشلي قايالي يئرلري شوخوم وورماق‌دا زورا دوشدو، آنجاق دايانماييب گئدير! كسينليكله تيراختورو ايته‌له‌يه‌نلر ميليونلار آزربايجانلي اولوبلار. يانداشلارين يارديمي ايرانين هر يئرينده اولماسايدي تيراختورو باتلاقلاردان چيخماغي مومكون اولمازدي. تيراختورو پنچر ائتمك ايسته‌يه‌نلرده اؤزلري والاي ووروب، پنچر اولاندان سونرا ياتاغان دا چئويريب، دالدا قاليبلار! بو آرادا كيسمه تيراختور ايله يولداشليق ائتمه‌سه، دالدا قالانلارين گونونه دوشمه‌يي‌ني گؤز اؤنونه آلماق زوروندا.
گئنه قاييداق درگيلر و يايينلارين قونوسونا. مئديا و يايينلارين چوخو، گونده فورصت آختاريرديلار عؤقده‌لري‌ني بوشالتسينلار. ايلك گونلرده تيراختورون داياغي اولان ميليونلار يانداشيندان خبرسيز ايديلر. البته هردن ايسه خبرلر ايچين‌ده مقطعي حالت‌ده آزربايجانليلار سئون يازيلار دا چاپ اولونوردو. اؤرنك (مثال) ايچين 88جي ايلين ياييندا بير گؤن گؤردوم "خبر ورزشي" بئله بير بالاجا تيتر وورموشدو:
"تراختور بابت هر نمنه‌دن تشكر"!
دوزون سؤزو من اؤزوم بئله انتظاريم يوخ ايدي بير چوخ سايي‌لي(چوخ تيراژلي) درگي گليب و توركجه تيتر وورسون. بير ياندان آدام دئييردي بو نئجه توركجه يازماق؟ ديلين ده‌ده‌سيني يانديريبلار! بير ياندان دا آدام دئييردي عئيبي يوخ؛ هر نه آدديم آدديم. گئت-گئده بونلاردا مجبور اولاجاقلار توركجه يازاندا دوز يازسينلار.
و سون گونلرده گؤروروك، بونلار دا تيراختورو اصلي سؤز قونوسو ائتمه‌يه مجبور اولوبلار. بونلار بير ايله ياخين ايدي ايكي قوطبلو فوتبولون ده‌ييشمه‌سي قارشي‌سيندا دورموشدولار. پيس باخيشلا باخماساق، اولابيلر اقتصادي عيللتلره گؤره فيكر ائديرديلر استقلال يا پيروزي‌يه گؤره يازماسالار روزنامه‌لري ساتيلماز. آما ايندي گؤروروك آنلاييبلار كي فوتبول درگيلري ايچين، ايكي ساتيش بازاري واردير. آچيق سؤز بو دور كي آزربايجان‌دا تيراختور قونوسوندا اولمايان درگي ساتيلماييب و اللرده قالاجاق؛ و بونا گؤره همن گونده‌ليگين آزربايجانداكي تيتري فرقلي اولور. بير سايي بو ايشي محكوم ائديب دئييرلر او درگي ايكي اوزلو ايش گؤرور، فقط پول و اؤز قازانجينا گؤره چاليشير. آنجاق بيز بئله ايشلره، اوزاق گؤرنليك(دورانديشي) و گرچك گؤروش(واقع بيني) ايله باخمالي‌ييق. اونلارين ايكي جوره، و حتي هردن توركجه تيتر وورماقلاري بيزيم كؤنولوموزون ائتكي گوجونو (بيزين ماراقلاريميز و مطلوبيتلريميزين تاثير قويماق قدرتي) گؤسته‌رير. اونوتمايين كي بير زامان اونلار صفحه‌لريني دولدورماق ايچين، غلط و يانليش توركجه تيتر وورسايديلار، ايندي گليب تورك ديلينده دوز املا ايله يازيرلار :
"تيراختور! حمله ائله، بيز آسيا ايستيروخ!"(تبريز آغزيندا يازيبلار: ايستيروخ؛ ادبي يازيدا ايستيريك دير)
بيز بير ايش گؤرمه‌لي‌ييك اونلار بيزيم ايستكلريميز و ماراقلاريميز ايچين رقابت ائتسينلر. بو آرادا بير سايي دا دئييرلر آزربايجانين اؤزل(مخصوص) درگيلري ده اولماليدير؛ آنجاق "فوتباليست‌ها" كيمي مجله زامان چكر بير حرفه‌اي درگي اولسون. هردن يازان آماتورلارين ايشي‌ده هردن ياخشي اولار. يوخاريدا دئديگيميز كيمي، چوخ تيراژلي مجله‌لرده فوتبول قونوسوندا يازانلارين ياريسينا ياخيني، باشقا تخصصي ساحه‌لر كيمي، آزربايجانلي و يا آزربايجان كؤكنليديرلر. عئيني تئهران و كرج‌ده ياشايان تيراختور يانداشلاري كيمي. اونلار دا گؤرسه‌لر يازيلارينين اوخوياني واردير، نه‌دن تيراختورا گؤره يازماسينلار كي؟! بونا گؤره اؤرنك وئرمك اولار. بوندان قاباق تكجه تئهرانين قيرميز و گؤي تاخيملارينا گؤره يازاردي، آما ايندي تيراختورون حيمايتينده ايسه ياخشي يازيلار يايير.
بو قونو دا بير جاليب ماجرا دا دئييم، يازيني سونا چاتديريم:
يوخاريدا آديني چكديگيميز گونده‌ليگين، تبريز ايچين اؤزل(ويژه) بيرينجي صفحه و تيتر وورماغي، تئهرانين گؤي-قيرميز تاخيملارين دا حساسيت گؤسترمكلرينه باعيث اولوب! بير-ايكي گون بوندان اؤنجه اينتئرنئت‌ده، پيروزي يانداشلاري دئديگيميز اؤزل صفحه‌لري اله سالماق ايچين، آندرانيك تئيموريانين سؤيله‌ديگي "تبريز بهشت فوتباليستهاست" تيترينين آلتيندا، "حضور ليونئل مسي در تمرينات تراكتورسازي با اجاز فراز كمالوند" يازيب، فوتوشاپلا آندارانيكين باشينين يئرينه ده ليونئل مسي‌نين عكسيني قويموشدولار! بيرينجي باخيشدا اونلارين ده‌به‌كليكلرينه توخونماق واخت تلف ائتمك آنلاميندادير؛ آنجاق اونلارين ايشلري نئچه گرچكدن قايناقلانير:
1- پيروزي و استقلال يانداشلاري بير بيرلريني اونودوبلار و اصل رقيبلري اولوب: تيراختور.
2- تيراختور باعيث اولوب توركجه‌ني عرب اليفباسي ايله دوز يازماغي پيروزي يانداشلاري دا اؤيره‌نسينلر! "ليونلـ"ـين يئرينه "ليونئل" يازماق بونو گؤسته‌رير! قوي ائله بيلسينلر تيراختورو اله ساليرلار.
3- بارسئلونون بارسئلون اولماغي، ليونئل مئسي كيمي اويونچولارين گلمه‌سيندن قاباق، كاتالانلارين بارسئلون تيميني كيمليك سيمگه‌سي تاي اوركدن سئومه‌لري و اونو دونيادا تايسيز آلقيشلاماغا گؤره دير. كرار جاسيم، آندرانيك، و كياني كيمي اويونچولارا، تيراختور وئرن پوللاردان داها چوخونو يقين كي باشقا تيملرده وئريبلر. بارسئلون كيمي بير تاخيمي، تيراختورا اوخشاتماق هر بير منطيقلي آداما ائله ده بئيينه سيغينماز دئييل.
